Azərbaycan və Ermənistan yenidən Vaşinqtonda – masada mühüm planlar
Vaşinqton Sülh Sammitinin birinci ildönümü münasibətilə ABŞ paytaxtında Azərbaycan, Ermənistan və ABŞ rəsmilərinin üçtərəfli görüşü keçirilib.
Görüş avqustun 10-da Vaşinqtonda baş tutub. Bu barədə məlumatı Ermənistan Xarici İşlər Nazirliyi yayıb.
Danışıqlarda Ermənistan xarici işlər nazirinin müavini vəzifəsini müvəqqəti icra edən Vaan Kostanyan, Azərbaycan xarici işlər nazirinin müavini Elnur Məmmədov və ABŞ dövlət katibinin siyasi məsələlər üzrə müavini Alison Huker iştirak ediblər.
Vaan Kostanyan ABŞ Prezidenti Donald Trampın həm ötən il keçirilmiş Vaşinqton Sülh Sammitinin baş tutmasına, həm də cari il ərzində Ermənistanla Azərbaycan arasında sülhün institusionallaşdırılması prosesinə şəxsi töhfəsini yüksək qiymətləndirib.
Görüşdə tərəflər indiyədək qeydə alınmış müsbət irəliləyişləri, regionda nəzərdə tutulan infrastruktur layihələrini və qarşılıqlı etimadın möhkəmləndirilməsi istiqamətində atılan addımları müzakirə ediblər.
Danışıqlar zamanı mövcud humanitar məsələlərin həllinin vacibliyi də xüsusi vurğulanıb.
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
Şərhlər (0)