Prezident Avropa Siyasi Birliyinin iclasında iştirak etməyəcək
Ermənistanda keçiriləcək Avropa Siyasi Birliyinin Sammitində Azərbaycanın müxtəlif səviyyələrdə təmsil olunması nəzərdə tutulmur.
Bu barədə Azərbaycanın xarici işlər naziri Ceyhun Bayramov bu gün Xocalı soyqırımının 34-cü ildönümü ilə əlaqədar Bakıda yerləşən "Ana harayı" abidəsini ziyarəti zamanı jurnalistlərə açıqlamasında məlumat verib.
Nazir bildirib ki, İlham Əliyevin sıx iş qrafikində may ayında Ermənistana səfər nəzərdə tutulmayıb.
“Məndə olan məlumata görə, may ayında Ermənistanda keçiriləcək Avropa Siyasi Birliyinin Sammitində Azərbaycan Prezidentinin iştirakı nəzərdə tutulmur. Burada təmsilçilik yalnız dövlət başçıları səviyyəsində olur, yəni bu format belə təsis edilib. Məndə olan məlumata əsasən, Prezident İlham Əliyevin may ayında Ermənistana səfəri nəzərdə tutulmayıb”, – deyə XİN başçısı qeyd edib.
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
26 fevral 2026, Cümə axşamı
Ceyhun Bayramov: Azərbaycan sülh istiqamətində ciddi addımlar atır, böyük nəticələr göz önündədir
Şərhlər (0)