Azərbaycanda güclü zəlzələ olacaq? - RƏSMİ AÇIQLAMA
Dekabrın 9-da Qubada 3.3 və bu gün Xəzər dənizində isə 3.8 maqnitudalı zəlzələlər baş verib. Hər iki zəlzələ ölkəmizin seysmik aktiv zonalarında qeydə alınıb və bu, təbii haldır. Azərbaycan ərazisi, o cümlədən Xəzər dənizi, seysmik cəhətdən aktiv bölgələr hesab olunur. Belə ərazilərdə zaman-zaman 3 və daha aşağı maqnitudalı zəif zəlzələlər baş verir.
Bu barədə Trend-ə Respublika Seysmoloji Xidmət Mərkəzindən məlumat verilib.
Bildirilib ki, qeyd olunan zəlzələlər güclü olmayıb və təhlükə yaratmayıb.
"Qubada baş verən təkan ümumiyyətlə hiss olunmayıb və əhalidə narahatlığa səbəb olmayıb. Bu səbəbdən hər hansı narahatlığa ehtiyac yoxdur.
Eyni zamanda, qeyd olunmalıdır ki, zəlzələlərin dəqiq proqnozu elmi cəhətdən mümkün deyil. Kiçik təkanlardan çıxış edərək, konkret tarix və saatla güclü zəlzələ gözlənildiyini söyləmək əsassızdır. Azərbaycanda fəaliyyət göstərən seysmik stansiyalar hər gün maqnitudası 3-ə çatmayan, əhali tərəfindən hiss olunmayan çoxsaylı təkanlar qeydə alır. Bu təkanlar seysmik aktiv bölgələr üçün normal və gözlənilən hal hesab olunur. Hazırda narahatlığa əsas yoxdur", məlumatda vurğulanıb.
Daha çox xəbər:
04 dekabr 2025, Cümə axşamı
İşğaldan azad edilmiş ərazilərdə tərəqqi və reinteqrasiya: Azərbaycanda yeni iqtisadi güc mərkəzi yaranır - TƏHLİL
03 noyabr 2025, Bazar ertəsi
Səttar Möhbalıyev: "Cənab Prezident İlham Əliyevin çıxışı həm tarixə işıq saldı, həm bu günün elmi reallıqlarını qiymətləndirdi, həm də gələcək üçün strateji hədəfləri müəyyənləşdirdi."
25 noyabr 2025, Çərşənbə axşamı
Professor Əkbər Bayramovun 95 illik yubileyinə həsr olunmuş respublika elmi konfransı keçirilib -Fotolar
Şərhlər (0)