Qəbiristanlıqda acınacaqlı vəziyyət - VİDEO
Baku TV-nin qaynar xəttinə Suraxanı rayonunun Hövsan qəsəbəsində, "Beton zavod" deyilən ərazidə yerləşən qəbiristanlığın vəziyyəti ilə bağlı müraciət daxil olub.
Vətəndaşlar qəbiristanlıqda uzun müddətdir təmizlik işlərinin aparılmadığını, qəbirlərin ətrafını alaq otlarının basdığını bildirirlər.
Çəkiliş zamanı ərazidə bir sıra qəbirlərin ətrafında hündür və quru otların olduğu, bəzi yerlərdə isə alaq otlarının qəbir daşlarına qədər yayıldığı müşahidə olunub. Şikayətçilərin sözlərinə görə, ərazidəki işçilər qəbirlərin yanındakı otları təmizləmək üçün onları yandırıblar.
İddia olunur ki, nəticədə yaranan alov bəzi qəbirlərə ciddi zərər vurub. Vətəndaşlar həmçinin qeyd ediblər ki, qəbiristanlıqdakı bulaqdan təxminən iki ildir su gəlmir. Onlar bildirirlər ki, suyun olmaması qəbirlərin ətrafının təmizlənməsini də çətinləşdirir. Qəbiristanlıqla bağlı səsləndirilən digər iddia isə oğurluq hallarıdır. Şikayətçilər bəzi qəbirlərin üzərindən güldan və digər əşyaların götürüldüyünü bildirirlər.
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
23 oktyabr 2025, Cümə axşamı
Bakıda mikrotunel tipli yeni kanalizasiya kollektorlarının inşasına başlanılıb
25 iyul 2026, Şənbə
"Sea breeze"dən cəmi 2 kilometr aralıda ekoloji fəlakət – Pirşağı bağlarında zibil dizə çıxır - FOTOLAR
11 avqust 2026, Çərşənbə axşamı
Qadının meyiti morqda qalıb, şəhid atası dəfn üçün 900-1200 manat pul istəyir
Şərhlər (0)