Yaşasaydı, 35 yaşı olacaqdı…
Bu gün Milli Qəhrəman, təyyarə bələdçisi Hökumə Əliyevanın doğum günüdür.
Hökumə Cəlil qızı Əliyeva 8 avqust 1991-ci ildə Kəlbəcərdə anadan olub. Ailəsi 1993-cü ildə işğal səbəbindən məcburi köçkün düşərək əvvəlcə Bərdədə, sonra isə Rusiyada yaşayıb. O, Volqoqradda 1-6-cı siniflərdə oxuyub, daha sonra Gəncəyə köçərək təhsilini orada davam etdirib. Bakı Dövlət Universitetinin Hüquq fakültəsinə daxil olub, magistr və doktorantura təhsilini də tamamlayıb.
2016-cı ildən Azərbaycan Hava Yollarında (AZAL) çalışmağa başlayan H.Əliyeva əvvəlcə tərcüməçi, sonra stüardessa və daha sonra hüquqşünas kimi fəaliyyət göstərib.
O, 2024-cü ildə Aktau yaxınlığında baş verən təyyarə qəzasında həlak olan ekipaj üzvlərindən biri idi. Hökumənin “hər şey yaxşı olacaq!” sözləri yaddaşlarda iz qoyub.
Hökumə Əliyeva 29 dekabr 2024-cü ildə II Fəxri xiyabanda dəfn olunub və ölümündən sonra “Azərbaycanın Milli Qəhrəmanı” adına layiq görülüb.
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
28 oktyabr 2025, Çərşənbə axşamı
Təyyarə qəzasında həlak olan ekipaj üzvlərinin büstü qoyuldu - Fotolar
Şərhlər (0)