"Azərpoçt"a yeni sədr təyin olunub - YENİLƏNİB
"Azərpoçt" MMC-nin İdarə Heyətinə yeni sədr təyin olunub.
"Report" məlumatın görə, bu, Manaf Babayevdir.
O, Azərbaycan Dövlət İqtisad Universitetində "İnzibati idarəetmə" ixtisası üzrə bakalavr, "İqtisadiyyatın idarə edilməsi" ixtisası üzrə isə magistr təhsili alıb.
M.Babayev peşə fəaliyyətinə bank sektorunda başlayıb, müxtəlif banklarda rəhbər vəzifələrdə çalışıb, daha sonra "Aztelekom" MMC-də maliyyə nəzarəti üzrə rəhbər, Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyində Baş Maliyyə Direktoru işləyib, son təyinata qədər Azərbaycan Nəqliyyat və Kommunikasiya Holdinqində (AZCON Holding) Baş Maliyyə Direktorunun müavini olub.
***
"Azərpoçt" MMC-nin İdarə Heyətinin (İH) sədri vəzifəsini icra edən İsi Mustafayev işdən çıxıb.
"Report məlumatına görə, o, "PAŞA Kapital İnvestisiya Şirkəti" QSC-nin İH sədrinin müşaviri vəzifəsinə təyinat alıb.
Xatırladaq ki, İ. Mustafayev 2000-ci ildən müxtəlif şirkət və banklarda iqtisadçı və departament direktoru kimi rəhbər vəzifələrdə çalışıb, 2021–2022-ci illərdə "Azərpoçt"un baş direktorunun müavini vəzifəsini icra edib, həm də şirkətin İH-nin üzvü olub.
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
23 oktyabr 2025, Cümə axşamı
“Nərimanovun Abadlığının Qoruyucusu: Manaf Manafovun Fədakar Xidmət Yolu”
Şərhlər (0)