İsrail İranı hədələdi: Təkbaşına müharibəyə hazırıq

İsrail ordusu zərurət yaranarsa, müstəqil şəkildə İrana qarşı müharibə aparmağa hazır olmalıdır.

"The Jerusalem Post" xəbər verir ki, bunu İsrailin müdafiə naziri İsrael Kats bəyan edib.

"İsrail ordusunun Baş Qərargahı, zəruri hallarda, istənilən təhdidi aradan qaldırmaq üçün müstəqil şəkildə İrana qarşı İsrail hücumu etməyə hazır olmalıdır", - o qeyd edib.

O,həmçinin xatırladıb ki, son silahlı münaqişə zamanı İsrail İran rəhbərliyinin əksəriyyətini məhv etməyi və İranın strateji imkanlarına zərər verməyi bacarıb.

İranın xarici işlər naziri Abbas Əraqçi bir gün əvvəl İsraili İrana qarşı təhdid xarakterli açıqlamalar verməmək barədə xəbərdar etmişdi. O, Tehranın istənilən təhdidə dərhal və güclü cavab verəcəyini bildirib.