Roma ayağa qalxdı! İtaliya İsrailə kəskin etirazını bildirdi: Səfir nazirliyə ÇAĞIRILDI
İtaliya Xarici İşlər Nazirliyi Livanın cənubunda gərginliyin artması və BMT-nin Livandakı Müvəqqəti Qüvvələrinin (UNIFIL) obyektlərinin atəşə tutulması fonunda İsrail səfirini izahat vermək üçün nazirliyə çağırıb.
"Reuters" agentliyi xəbər verir ki, buna səbəb sülhməramlıların qərargahının hədəf alınmasıdır.
İtaliyanın müdafiə naziri Qvido Krozetto məsələ ilə bağlı kəskin bəyanatla çıxış edərək, sülhməramlıların qərargahına atəş açılmasının "tamamilə qəbuledilməz" olduğunu və beynəlxalq hüququn normalarını kobud şəkildə pozduğunu vurğulayıb.
Roma tərəfindən təqdim edilən məlumatlara görə, İsrail qüvvələri UNIFIL-in mövqelərini atəşə tutaraq avadanlıqları zədələyib və hərbçilərin həyatını təhlükə altına atıb.
Qeyd edək ki, İtaliya bölgədəki missiyaya 1000-dən çox hərbçi ilə töhfə verən ən böyük iştirakçılardan biridir.
İtaliya rəsmiləri sülhməramlıların BMT Təhlükəsizlik Şurasının mandatı altında fəaliyyət göstərdiyini, onların münaqişə tərəfi olmadığını və təhlükəsizliklərinin mütləq şəkildə təmin edilməli olduğunu xüsusi vurğulayıblar.
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
06 mart 2026, Cümə
Prezident İlham Əliyevin İranın Azərbaycana dron hücumuna dair fikirləri dünya mediasının diqqət mərkəzindədir
Şərhlər (0)