İran OD İÇİNDƏ: Paytaxtdan limanlara qədər hər yer BOMBALANIR
Aprelin 7-nə keçən gecə və çərşənbə axşamı səhər saatlarında İranın bütün ərazisində, Tehrandan tutmuş ölkənin cənub sahillərinə qədər geniş bir zonada silsilə partlayışlar baş verib.
Bu barədə "Iran International" nəşri şahidlərin verdiyi məlumatlara istinadən məlumat yayıb.
Məlumata görə, Tehran ətrafındakı yaşayış məntəqələrində bir neçə dəqiqəlik intervalla partlayış səsləri eşidilib. Yerli vaxtla saat 03:00 radələrində (Bakı vaxtı ilə 03:30) Kərəc, Şəhriyar və Pərdis şəhərlərində partlayışlar qeydə alınıb. Eyni zamanda, İranın cənub sahilləri boyunca strateji əhəmiyyətli hərbi obyektlərin yaxınlığında da aktivlik müşahidə olunub.
Hörmüz boğazı yaxınlığındakı Cask limanında hərbi-dəniz zonasına pilotsuz uçuş aparatı (PUA) ilə zərbə endirildiyi, Çabaharda isə Şəhid Kalantari və Tis limanları ilə yanaşı "İmam Əli" bazasının yaxınlığında partlayışların baş verdiyi bildirilir.
Hücumlar ölkənin mərkəzi və cənub şəhərlərini də əhatə edib. Yəzd şəhərində sübh çağı bir neçə zərbə səsi eşidilib, neftlə zəngin Xuzistan vilayətinin mərkəzi Əhvazda isə sakinlər qırıcı təyyarələrin ardıcıl hücumlarını qeydə alıblar. Səhər saatlarında Şiraz şəhərində iki güclü partlayış baş verib, paytaxt Tehrandakı "Mehrabad" hava limanında isə gecə reydlərindən sonra yanğın başladığı qeyd olunur.
"Politico" nəşrinin Pentaqondakı mənbələrə istinadən yaydığı məlumata görə, ABŞ Müdafiə Nazirliyi hədəf alınacaq İran enerji obyektlərinin siyahısını genişləndirir. Buraya həm hərbi, həm də mülki əhalini yanacaq və elektrik enerjisi ilə təmin edən infrastruktur obyektləri daxil edilib. Bildirilir ki, bu cür hədəf seçimi gələcəkdə hərbi cinayət ittihamlarından qorunmaq üçün hüquqi zəmin yarada bilər.
Digər tərəfdən, İsrail ordusu İran əhalisinə xəbərdarlıq edərək, yerli vaxtla saat 21:00-a qədər qatarlardan və dəmir yolu xətlərindən uzaq durmağı tövsiyə edib. İsrail Müdafiə Ordusu (İDF) bu ərazilərdə olmağın insanların həyatı üçün təhlükə törətdiyini bəyan edib.
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
06 mart 2026, Cümə
Prezident İlham Əliyevin İranın Azərbaycana dron hücumuna dair fikirləri dünya mediasının diqqət mərkəzindədir
10 mart 2026, Çərşənbə axşamı
İran müharibəsi: ABŞ dollarına təhlükə və Trampın ərəb ölkələrinə verdiyi dərs
Şərhlər (0)