ABŞ-İran danışıqları: Vaxt açıqlandı, Tehranın şərti
ABŞ-İran arasında görüş bu həftə baş tuta bilər.
Bunu ABŞ Prezidentinin xüsusi elçisi Stiv Uitkov deyib.
O deyib ki, iranlılarla görüşün bu həftə baş tutacağına inanırıq. "Masada bir müddət əvvəl iranlılara çatdırılan 15 maddəlik razılaşma var. Onların cavabını gözləyirik və bu, bütün məsələləri həll edəcək. Bu, uranın zənginləşdirilməsi məsələsini həll edəcək. Bu, digər məsələləri də həll edəcək", - o qeyd edib.
İran tərəfi isə sülh danışıqlarının başlanması üçün iki şərt irəli sürüb.
SEPAH sözçüsü “Pars Today”a açıqlamasında deyib ki, İsrail rejimi tamamilə məhv edilənə və ABŞ regiondan tamamilə qovulana qədər biz heç bir yalançı sülh və ya qısamüddətli atəşkəs çağırışlarını qəbul etməyəcəyik.
İran Silahlı Qüvvələrinin yüksək rütbəli sözçüsü Sərdar Şəkərçi də öz növbəsində qeyd edib ki, biz müharibəyə son qoymaq üçün şərtlər irəli sürürük və İranın düşmənləri onları qəbul etməyə məcbur olacaqlar.
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
04 dekabr 2025, Cümə axşamı
ABŞ kəşfiyyatı “Tramp planı”nı əngəlləyir: Ağ Ev isə üç lideri “yemək masası”na çəkir, menyuda Ukraynadır
Şərhlər (0)