2 ölkə çökür: Ehtiyatlar bitdi, əhali 3 ay davam gətirə bilməz
İngiltərə və İsveç mümkün müharibə, kiberhücum və ya kəskin hava şəraiti zamanı əhalisini qidalandıra bilməyəcəyi təhlükəsi ilə üz-üzədir. İsveçdə vəziyyət daha narahatvericidir; ölkədə bir günlük belə təcili ehtiyat yoxdur.
"Mümkün fövqəladə hallarda İngiltərə və İsveçdə ərzaq təchizatı ilə bağlı ciddi böhran yaşana biləcəyi xəbərdarlığı edilib. Ekspertlər hər iki ölkənin özünü təminetmə səviyyəsinin aşağı olması səbəbindən "müdafiəsiz" qaldığını bildirərək, hökumətləri təcili strateji ehtiyatlar yaratmağa və yerli istehsalı artırmağa çağırırlar.
London Universiteti "City St George's"un qida siyasəti üzrə mütəxəssisi Professor Tim Lang, İngiltərənin hazırkı mənzərəsini "pis görünür" sözləri ilə xarakterizə edib.
2021-ci ilin hesabatına görə, Birləşmiş Krallıq ərzaq məsələsində özünü yalnız 54% təmin edə bilir.
Uzun illərdir "maksimum səmərəlilik" adı altında kiçik anbarlar və sürətli çatdırılma üzərində qurulan sistem ölkəni kövrək hala gətirib. Başqa ölkələrin hər zaman tədarük edə biləcəyi fərziyyəsi artıq bir zəifliyə çevrilib.
Bənzər vəziyyət İsveçdə də yaşanır. Ölkənin özünü təminetmə səviyyəsi təxminən 50% civarındadır.
Nələr istehsal olunur? Taxıl, şəkər çuğunduru, yerkökü və yumurta istehsalında tələbat ödənilsə də; meyvə, tərəvəz, pendir və ət məsələsində ölkə idxaldan asılıdır.
İsveç 1990-cı illərin əvvəllərində Avropa İttifaqına üzvlük prosesi ilə əlaqədar hazır qida ehtiyatı toplamağı dayandırıb və hazırda ölkənin heç bir fövqəladə vəziyyət fondu yoxdur.
İdxaldan hədsiz asılılıq iqlim dəyişikliyi ilə yeni risklər yaradır.
Birləşmiş Krallıq meyvə ehtiyacının 80%-dən çoxunu, tərəvəzin isə yarısından çoxunu İspaniya və Şimali Afrikadan alır.
2023-cü ildə həmin bölgələrdəki kəskin hava şəraiti artıq İngiltərə supermarketlərində təzə tərəvəz qıtlığına səbəb olmuşdu.
Proqnozlara görə, 2050-ci ilə qədər gətirilən meyvələrin yarısı iqlim cəhətdən riskli ölkələrdən tədarük edilmək məcburiyyətində qalacaq.
Müqayisə üçün qeyd olunur ki, İsviçrə kimi bəzi ölkələr böhran anları üçün bütün əhalini 3 ay boyunca qidalandıra biləcək strateji ehtiyatlar saxlayır və bu müddəti 1 ilə çatdırmağı planlaşdırır.
Professor Lang sistemin yenidən qurulmasını və ərzaq təhlükəsizliyi haqqında xüsusi qanun qəbul edilməsini tələb edir. O, bildirir ki, yerli istehsalı artırmaq millətçilik deyil, sadəcə insanların aclıqdan qorunması üçün zəruridir.(milli.az)
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
04 dekabr 2025, Cümə axşamı
İşğaldan azad edilmiş ərazilərdə tərəqqi və reinteqrasiya: Azərbaycanda yeni iqtisadi güc mərkəzi yaranır - TƏHLİL
10 fevral 2026, Çərşənbə axşamı
Azərbaycanla ABŞ arasında Strateji Tərəfdaşlıq Xartiyası imzalanıb - YENİLƏNİB - MƏTN
29 dekabr 2025, Bazar ertəsi
Bakı şəhəri “Dünyanın İdman Paytaxtı” seçilmişdir və bu da çox böyük hadisədir, bizim üçün böyük şərəfdir
18 noyabr 2025, Çərşənbə axşamı
Prezident İlham Əliyevin Özbəkistanın Milli İnformasiya Agentliyinə (UzA) verdiyi müsahibə
Şərhlər (0)