Şoyqudan Ermənistana SƏRT MESAJ: “Bir gecədə çökə bilər”
Ermənistan hakimiyyətinin respublikanın dəmir yollarının idarəçiliyində Rusiya ilə əməkdaşlığı əvəz etmək istəyi kifayət qədər işlənməmiş qərardır və bu addımdan sonra formalaşmış sistem “bir gecədə çökə bilər”.
Bunu TASS agentliyinə müsahibəsində Rusiya Təhlükəsizlik Şurasının katibi Sergey Şoyqu deyib.
Şoyqu bildirib ki, digər dövlətlərin dəmir yolu təsərrüfatını idarə etmək imkanlarını qiymətləndirmək istəmir, lakin əmindir ki, uzun illərdir Ermənistanda mürəkkəb şəraitdə fəaliyyət göstərən Rusiya dəmir yolu operatorunu tam şəkildə əvəz edə biləcək başqa şirkət tapmaq çətin olacaq.
O, həmçinin Ermənistanın ABŞ ilə nüvə sahəsində mümkün əməkdaşlıq planlarına toxunaraq bildirib ki, kifayət qədər düşünülməmiş belə qərarlar gələcəkdə sadə Ermənistan vətəndaşları üçün riskli nəticələr yarada bilər.
Şoyqunun sözlərinə görə, təxminən iyirmi il ərzində qurulmuş sistem qısa müddətdə dağıla bilər və bunun məsuliyyətini heç bir “dost ölkə” öz üzərinə götürməyəcək.
O əlavə edib ki, Ermənistan rəhbərliyinin mühüm qərarlar qəbul edərkən ilk növbədə öz vətəndaşlarının maraqlarını nəzərə alacağına ümid edir.
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
07 noyabr 2025, Cümə
Qlobal nüvə savaşının "başlanma şifrələri" dəyişdi: Dünya artıq "qarşılıqlı məhv" mərhələsinə daxil olur
15 yanvar 2026, Cümə axşamı
Ömrün hər bir anı - təhsilə xidmət: ürəklərdə iz salan müəllim ünvanı -Mahir Həbib oğlu Naxçıvanski
Şərhlər (0)