ABŞ hərbi qüvvələrini Suriyadan tamamilə çıxarmağa hazırlaşır
Vaşinqton Amerika qoşunlarını Suriyadan tamamilə çıxarmağı düşünür.
Məlumatı The Wall Street Journal (WSJ) mənbələrə istinadən yayıb. Bildirilir ki, ABŞ bu variantı araşdırır, çünki Suriya prezidenti Əhməd əl-Şaraa ölkənin şimal-şərq hissəsinin nəzarətini Vaşinqtonun dəstəklədiyi kürdlərdən almağa çalışır. Nəşrin məlumatına görə, Suriyada təxminən 1000 ABŞ hərbçisi var və onların əksəriyyəti şimal-şərqdə kürd koalisiyası olan Suriya Demokratik Qüvvələri (SDF) ilə birlikdə yerləşdirilib. Adları çəkilməyən ABŞ rəsmiləri qəzetə bildiriblər ki, "son həftə ərzində baş verən hadisələr Pentaqonu SDF-nin məğlubiyyətindən sonra Suriyadakı Amerika hərbi missiyasının mümkünlüyünü şübhə altına almağa məcbur edib".
WSJ mənbələri digər amillərlə yanaşı, "Əhməd əl-Şaraanın qüvvələri ilə əməkdaşlıqla bağlı çətinlikləri" də qeyd ediblər.
20 yanvarda ABŞ-ın Türkiyədəki səfiri və Suriya üzrə xüsusi nümayəndəsi Tom Barrak bildirib ki, Vaşinqton administrasiyası artıq Suriya Demokratik Qüvvələrinin Ərəb Respublikasındakı İslam Dövləti (İŞİD-red.)terrorçu qruplaşmasına qarşı mübarizədə əsas rol oynamalı olduğuna inanmır. O qeyd edib ki, ABŞ ölkədə uzunmüddətli hərbi mövcudluğu qorumağa çalışmır.
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
12 noyabr 2025, Çərşənbə
Ağ Ev Kremlin son "alınmaz qala"sını da dağıdır: Trampın "güclü lideri" Rusiyanı Suriyadan çıxarır
19 yanvar 2026, Bazar ertəsi
Türkiyə Ağ Evi Suriya üzərindən "vurur": ABŞ-ın "terror dövləti" layihəsi boşa çıxır
24 dekabr 2025, Çərşənbə
Yaxın Şərqdə yeni “hərbi partlayış” riski artır: Türkiyə Suriyada ABŞ-a bağlı terrorçuları “ovlayır”
Şərhlər (0)