İran küçələrində qan - Hadisə şahidindən sarsıdıcı açıqlama
Avstraliyanın ABC telekanalı İranda baş verən son kütləvi etirazların zorakılıqla yatırılmasına dair sarsıdıcı reportaj yayımlayıb.
Reportaj İran–Avstraliya vətəndaşı olan, yaxın günlərdə İrandan Sidney şəhərinə qayıdan Əli adlı şəxsin birbaşa şahidliyinə əsaslanır.
Əli bildirib ki, yanvarın 8-də İran hakimiyyəti ölkə üzrə rabitəni tamamilə kəsdiyi anda küçələrdə misli görünməmiş etiraz dalğası başlayıb. Onun sözlərinə görə, aksiyalarda cəmiyyətin bütün təbəqələri – gənclər və yaşlılar, ailələr, uşaqlar, hətta çarşaflı dindar qadınlar belə iştirak edib. Şahid deyir ki, izdiham “Diktatora ölüm olsun” şüarları səsləndirirdi və bu mənzərə cəmi bir ay əvvəl İran üçün təsəvvürolunmaz idi.
Lakin etirazların dinc xarakteri uzun sürməyib. Əlinin dediyinə görə, təhlükəsizlik və repressiv qüvvələr aksiyalara qarşı dərhal sərt güc tətbiq edib. Küçələrdə gözyaşardıcı qazdan və odlu silahlardan istifadə olunub. Şahidin sözlərinə əsasən, onun gözləri qarşısında ən azı iki etirazçı güllələnərək öldürülüb.
Reportajda vurğulanır ki, rabitənin kəsilməsi fonunda baş verən bu hadisələr barədə məlumatların yayılması çətinləşsə də, ölkədən çıxan şahidlərin açıqlamaları İran küçələrində baş verən qanlı mənzərəni üzə çıxarır. Independent Persian mənbəsinin də təsdiqlədiyi bu məlumatlar, etirazların miqyası və rejimin sərt cavabı barədə beynəlxalq ictimaiyyətdə narahatlığı daha da artırıb.
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
04 dekabr 2025, Cümə axşamı
Paşinyan “təmizləmə əməliyyatı” aparır-baş nazirin repressiya aparatına Qərb göz yumur...
15 yanvar 2026, Cümə axşamı
Səttar Möhbalıyev: "Qanlı Yanvar sovet imperiyasının son cinayəti və Azərbaycan xalqının ləyaqət imtahanıdır"
Şərhlər (0)