Hərbçilər xanımını aparmayacaqmış - Özü xahiş edib
“ABŞ hərbçiləri Karakasdakı əməliyyat zamanı Venesuela Prezidenti Nikolas Maduronu ələ keçirərkən onun həyat yoldaşı Siliya Floresi özləri ilə aparmağı planlaşdırmayıb”.
“Qafqazinfo” xəbər verir ki, bu barədə məlumatı “Telesur” telekanalına müsahibəsində Venesuelanın vətəndaşların təhlükəsizliyi üzrə vitse-prezidenti, daxili işlər və ədliyyə naziri Diosdado Kabelo açıqlayıb.
O vurğulayıb ki, Siliya hərbçilərdən onu da Maduro ilə birgə aparmağı xahiş edib.
Bununla yanaşı, nazirin sözlərinə görə, ABŞ-nin əməliyyatı nəticəsində ölkədə 100 nəfər həlak olub.
O qeyd edib ki, həlak olanların əksəriyyətini gənclər təşkil edib.
Xatırladaq ki, yanvarın 3-ü ABŞ hərbi qüvvələri Venesuelanın paytaxtı Karakasda və ətraf ştatlarda 11 strateji hədəfə genişmiqyaslı zərbələr endirib. Əməliyyat nəticəsində ölkə Prezidenti Nikolas Maduro xanımı Siliya Floreslə birlikdə ələ keçirilərək Nyu-Yorka aparılıb. Cütlük orada hakim qarşısına çıxarılıb.
Daha çox xəbər:
06 yanvar 2026, Çərşənbə axşamı
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB
05 yanvar 2026, Bazar ertəsi
Əməliyyatın ŞOK DETALLARI və FOTOSU yayıldı - Maduronun nəfəsi də izlənib
06 yanvar 2026, Çərşənbə axşamı
Venesuelada ikinci hərbi əməliyyat keçirilə bilər - Trampdan ŞOK AÇIQLAMA
Şərhlər (0)